Þau skemmtilegu tíðindi bárust á dögunum að einn af starfsmönnum landvinnslu Brims hf. á Akureyri, hefði hlotið fyrstu verðlaun í ljósmyndasamkeppni evroópska Sundsambandsins (LEN) 2009. Ljósmyndarinn, Sævar Geir Sigurjónsson, tók á móti verðlaununum við hátíðlega athöfn í tengslum við Evrópumeistaramótið í Tyrklandi í boði LEN, þann 10. desember síðastliðinn.
Við erum að vonum stolt af okkar manni og um leið við óskum honum til hamingju með glæsilegan árangur, leyfum við rómaðri ljósmyndinni að fylgja með.
Ljósmynd: Sævar Geir Sigurjónsson.
Kleifaberg ÓF-2 hélt aftur til veiða í síðustu viku eftir fjögurra vikna stopp hjá Slippnum á Akureyri. Á þessum tíma var hefðbundnu viðhaldi sinnt, auk þess sem skipið var málað hátt og lágt í litum Brims. Eins og sjá má á meðfylgjandi mynd er skipið glæsilegt í hinum nýja búningi.
Skipið er nú á veiðum við Íslandsstrendur að framleiða hágæða flök fyrir viðskiptavini sína sem bíða spenntir eftir næsta farmi enda áhöfnin á Kleifaberginu þekkt fyrir framúrskarandi framleiðslu.
Ljósmynd: Bragi Ragnarsson